நீங்கள் தேடியது "பாலியல் தொழில்"

சென்னை:

சென்னை அரும்பாக்கம் ரசாக் கார்டன் பகுதியைச் சேர்ந்த ஜெயந்தி என்ற பெண்ணுடன் சேர்ந்து கோயம்பேடு போலீஸ் ஏட்டு பார்த்திபன் விபசார தொழிலில் ஈடுபட்டது பெரும் பரபரப்பை ஏற்படுத்தி உள்ளது.

பாடி பகுதியைச் சேர்ந்த கால்டாக்சி டிரைவரான விஸ்வநாதன் ஜெயந்தியின் வீட்டுக்கு சென்று உல்லாசமாக இருந்து விட்டு பணம் கொடுத்தபோது, அந்த பணம் போதாது. மேலும் தர வேண்டும் என்று விபசார அழகியான ஜெயந்தி கேட்டதால் இருவருக்கு இடையே தகராறு ஏற்பட்டது.

இதுபற்றி ஏட்டு பார்த்திபனுக்கு ஜெயந்தி தகவல் தெரிவித்ததைத் தொடர்ந்து அவர் ரெய்டுக்கு செல்வது போல சென்று மிரட்டல் விடுத்தார்.

பின்னர் விஸ்வநாதனின் மோட்டார்சைக்கிளை பறித்து வைத்துக் கொண்டு பணம் கேட்டு மிரட்டல் விடுத்தார். இதனால் அதிர்ச்சி அடைந்த விஸ்வநாதன் செய்வதறியாமல் தவித்தார்.

பின்னர் விஸ்வநாதன் மீது ஜெயந்தி போலீசிலும் புகார் அளித்தார். அதில் தன்னிடமிருந்து விஸ்வநாதன் பணப்பையை பறித்துக் கொண்டதாக கூறி இருந்தார்.

ஆனால் போலீஸ் விசாரணையில் விஸ்வநாதன் போலீஸ் ஏட்டு ஒருவர் தன்னிடம் பணம் கேட்டு மிரட்டினார் என்று கூறியதை தொடர்ந்து இந்த விவகாரம் பூதாகரமாக வெடித்தது.

ஜெயந்தியின் செல்போனை வாங்கி அவர் யார்-யாரிடம் பேசியுள்ளார் என்பதை ஆய்வு செய்தனர். அப்போது ஜெயந்தி ஏட்டு பார்த்திபனிடம் பலமுறை தொடர்பு கொண்டு பேசி இருப்பது அம்பலமானது. இதன் பிறகே இருவரது லீலைகளும் வெளிச்சத்துக்கு வந்தன. ஜெயந்தியுடன் நெருங்கிய தொடர்பில் இருந்த ஏட்டு பார்த்திபன் மீது விபசார வழக்கு போடப்பட்டது. வழிப்பறி, மிரட்டல் உள்ளிட்ட சட்டப் பிரிவுகளும் பாய்ந்தன.

ஜெயந்தி மீதும் அதே சட்டப் பிரிவுகளின் கீழ் வழக்கு போடப்பட்டது. அவர் கைது செய்யப்பட்டார். பின்னர் கோர்ட்டில் ஆஜர்படுத்தப்பட்ட ஜெயந்தி புழல் பெண்கள் சிறையில் அடைக்கப்பட்டார்.

ஏட்டு பார்த்திபன் தப்பி ஓடி தலைமறைவாகி விட்டார். அவரது செல்போன் சுவிட்ச் ஆப் செய்யப்பட்டுள்ளது. எங்கு இருக்கிறார் என்பது தெரியவில்லை. பார்த்திபனை தேடி கண்டுபிடித்து கைது செய்ய உயர் போலீஸ் அதிகாரிகள் உத்தரவிட்டுள்ளனர்.

இதனையடுத்து அவரை பிடிக்க 2 தனிப்படைகள் தேடுதல் வேட்டையை முடக்கி விட்டுள்ளன.

ஏட்டு பார்த்திபன் மீது துறை ரீதியிலான நடவடிக்கை எடுக்கப்பட்டுள்ளது. அவர் சஸ்பெண்டு செய்யப்பட்டுள்ள நிலையில் சட்டப்பூர்வ நடவடிக்கைகளும் தீவிரமாகி உள்ளதால் ஏட்டு மீதான பிடி இறுகி உள்ளது.

லண்டன்:

லண்டனைச் சேர்ந்த ஜோசப்பின் இயாமு என்ற செவிலி, சூனியம் செய்து பெண்களை பாலியல் தொழிலுக்காக ஜெர்மன் போன்ற நாடுகளுக்கு கடத்தியதாக கைது செய்யப்பட்டார்.  விசாரணையில், 2009-ம் ஆண்டு முதல் பிரிட்டிஷ் குடியுரிமை பெற்ற இயாமு தேசிய சுகாதார மையத்தில் செவிலியாக பணி புரிந்து வருவதாகவும், இவருக்கு பில்லி சூனியம் போன்றவற்றில் அதிக ஈடுபாடு இருப்பதும் தெரியவந்தது.

இந்த பில்லி சூனியம் செய்வதன் மூலம் பெண்களை கடத்தி, அவர்களை கோழியின் இதயம், புழு, மற்றும் இரத்தம் போன்றவற்றை குடிக்கச் செய்து அவர்களை பாலியல் தொழிலுக்காக ஜெர்மன் நாட்டுக்கு கடத்தி வந்ததும் தெரியவந்தது.

இதுதொடர்பாக பாதிக்கப்பட்ட பெண்கள் கூறுகையில், 30 ஆயிரம் முதல் 38 ஆயிரம் யூரோப் அளவுக்கு பணம் வாங்கிக் கொண்டு தங்களை பாலியல் தொழிலுக்காக விற்று விடுவதாகவும், இயாமு பில்லி சூனியம் செய்வதால் அவரை எதிர்க்க பயந்து வந்ததாகவும் தெரிவித்தனர்.

கைது செய்யப்பட்ட இயாமு மீது பர்மிங்காம் கோர்ட்டில் வழக்கு தொடரப்பட்டது. கடத்தப்பட்ட பெண்கள் ஜெர்மனியில் ஒப்படைக்கப்பட்டவுடன் இமாமுவின் வேலை முடிந்துவிட்டதாகவும், அதன்பின் அங்கு உள்ளவர்கள் அந்த பெண்களை பாலியல் தொழிலில் ஈடுபடுத்தி வந்ததாகவும் வழக்கு விசாரணையின் போது அரசு வழக்கறிஞர் தெரிவித்தார்.

10 வார காரலமாக நடைபெற்ற விசாரணை முடிவடைந்த நிலையில், நேற்று தீர்ப்பு வழங்கப்பட்டது. அப்போது, பாலியல் தொழிலுக்காக பெண்களை கடத்தி வழக்கில் இயாமு குற்றவாளி என நீதிமன்றம் தீர்ப்பு வழங்கியது. அவருக்கான தண்டனை விவரம் பின்னர் அறிவிக்கப்படும்.

பிரிட்டனில் கொண்டு வரப்பட்ட நவீன அடிமைகளுக்கான சட்டத்தில் தண்டனைக்கு உள்ளாக்கப்படும் முதல் குற்றவாளி ஜோசப்பின் இயாமு என்பது குறிப்பிடத்தக்கது.